نصائح هامة لطباخة ماهرة
1_عشان البطاطس تطلع محمرة ومقرمشه هنحط عليها معلقتين نشا وشطا وفلفل وكمون وهيا في الميه
2_في موسم التوم والبصل اشتري توم كتير وفصصيه وقشريه وقطعيه دواير وفي القرن تحمصيه وبعد كده تطحنيه وتعبيه في برطمان ويبقي توم مطحون والبصل بنفس الطريقة
3_اوعي ترمي كرتونة الخلاط الجديد عنيها في اي مكان عشان لو خلاطك جديد ومش عارفه تركبيه تبصي علي الصورة اللي ع الكرتونه وتقلديها
4_خلي عندك نوته في المطبخ عشان طول الاسبوع اي حاجه تلاقيها ناقصه تكتبيها ولما تخرجي تجيبي كل حاجه مرة واحده
5_عشان المحشي مايخدش وقت في العمايل ممكن تسلقي الكرنب وتقطعيه وحطيه في كيس وع الفريزر ليوم المحشي
6_لو فرحك قرب افتكر كويس انك تجيب اكياس بلاستك وحطيها في المطبخ والكوميدينو عشان يوم الصابحيه لو هتهادي حد اوتتطلعي اي حاجه متحتاريش في الاكياس والشنط