0
عيش سوري

طريقة عمل عيش الكريب والعيش السوري في البيت

يُعد الشعب المصري من أوائل الشعوب العربية بحثًا عن الطعام وطرقه الجديدة، وأكلات الجديدة سواء المصرية أو العربية أو حتى الدولية، ومنذ وقوع أحداث سوريا وجاء عدد كبير من الاجئيين السوريين إلى مصر وبدأو في إقامة مشاريع خاصة لهم عن الأكل السوري.

 

ومن حبنا ف الأكل السوري عامة والشاورما السوري خاصة بنروح المطاعم وندفع فيها مبالغ كبيرة عشان نستمتع بالطعم السوري الرائع.

 

كنا قدمنالكم قبل كده طريقة شاورما اللحم بالطريقة السورية الأصلية الرائعة بأروع طعم يخطفك لدنيا تانية

النهاردة هنكمل الوصفة وجبنالكم طريقة العيش السوري الطري الرائع بالمذاق الرهيب وكمان بأقل تكلفه ممكن تتخيلوها (5 جنيه) وبسسسس وهيحضرولنا حوالي ١١:١٢ رغيف

 

المكونات :

 

– نص كيلو دقيق متعدد الاستخدام

– ماء

-ذرة ملح

– نصف معلقه سكر

 

الطريقة :

 

هنضيف ماء للدقيق حتى الحصول على عجينه سائلة متوسطة القوام ونضيف الملح والسكر ونخلطهم كويس حتى تمام التمازج.

 

بعدين هنجيب طاسه تيفال ندهنها بنقطة زيت وننزل بقليل من الخليط ونفرده في الطاسة ونسيبه على نار هادئة لغاية لما يستوي هنعرف أزاي؟؟ هتلاقيه بدأ يسيب الطاسه وكمان لونه هيتغير كده نكون اتأكدنا أن الوش ده استوي ونقلبه ع الوش التاني

 

ونكرر ده لغاية لما يخلص الخليط بتاعنا واستمتعوا بقه بأحلى عيش سوري.

 

ملحوظه: متحطوش العيش وهو سخن فوق بعضه عشان ميلزقش ويبقى صعب علينا نفكه من بعضه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *