0
الكوردن بلو

طريقة عمل الكوردن بلو في البيت بأقل التكاليف

كلنا بنحب الكوردن بلو لأ احنا تقريبا مدمنين ليه هو بصراحة يستاهل، فاحنا بعد تجارب واسئله كتير وصلنا لسر الخلطة والنهاردة قررنا نقولكوا عليها عشان مندفعش فلوس كتير في المطاعم على كمية صغيرة جدا فقررنا نقولكوا الطريقة والمفاجأة كمان أن السعر مش غالي ابدا مقارنة بسعره في المطاعم وكمان بالكمية تقريبًا هنتكلف بس ربع التكلفة.

 

ما هى مكونات الكوردن بلو

نص كيلو فراخ بانيه رفيعه ومفروده كويس

 

١/٨ كيلو رومي مدخن

١/٨ موتزاريلا

٢ كوب دقيق

٣ معالق نشا

ماء

تتبيلة الفراخ

بصل مفروم

ملح

فلفل اسود

بابريكا

توم باودر

بصل باودر

معلقه كاتشب

 

طريقة التحضير

 

أولا هنضع التوابل على البصل المفروم ونقوم بفركه جيدا، ونخلطهم كويس أوي ونضيفلهم البانيه بعد مانخليه رقيق جدًا باستخدام مدق البانيه ونتركهم لمدة ٤ ساعات على الأقل في الثلاجة.




ونحضر الخليط التاني

 

كوب دقيق وعليه ملح وفلفل أسود وميه حتى نحصل على عجينه سائله

 

وفي طبق آخر نضع معلقتين نشا على كوب من الدقيق ونخلطهم جيدا

بعد ٤ ساعات

 

هنطلع البانيه من الثلاجة ونفرده ونحط جوه الرومي المدخن ورشه موتزاريلا صغيرة ونلفه رول وننزل بيه ف الخليط السائل ومنه للخليط الجاف (الدقيق المخلوط بالنشا) ومنه لزيت ساخن غزير حتى يأخذ اللون الذهبي وبعدين نوطي النار  ونقلبه ونطلعه على مناديل مطبخ للتخلص من الزيت الزائد .

 

ملحوظه: يُفضّل وضع الكوردن بلو في الفريزر قبل أن نقوم بقليه في الزيت.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *