طريقة عمل الكبسة باللحمة

بمناسبة العيد كل سنة وأنتم طيبين وأكتر حاجة هتنتشر فى عيد الأضحى هى اللحمة يجميع أنواعها التلو والضانى والعالى وطبعا علشان أغلب الناس كلها بتضحى وكل السيدات بتحب تنوع الأكل وتجرب أطعمة جديدة فى أيام العيد لان أفراد الاسرة كلها بتتمع فى العيد وبيتلموا على سفرة واحدة  وكمان العزايم بتكتر فى العيد ونقدم لكم اليوم أكثر أكلة ومناسبة للحمة ومش بتتعمل غير باللحمة وانهاردة جبنالكم طريقة عمل الكبسة باللحمة سواء كانت ضانى أو بقرى والطريقة سهلة وان شاء الله هتعجب الجميع وهياكلوا صوابعهم وراها وهى أكله سعودية

المقادير:

لحمة مكعبات نصف كيلو (بقرى او ضانى )
كوب ارز بسمتى
1 بصلة كبيرة مقطعة
1 كوب طماطم مبشورة
ملعقة صغيرة صلصة
فص ثوم
1 ملعقة صغيرة بهارات كبسة
ربع ملعقة صغيرة فلفل اسود
مكعب مرقة
رشة كزبرة ناشفة و كمون
عود قرفة
ورقة غار
ملح
زبيب و صنوبر

الطريقة:

يحمر الزبيب والصنوبر فى السمن ويترك جانبا

يحمر البصل الى ان يذبل

ثم نضيف البهرات ماعدا الملح

ثم اللحمه، ونقلب

قومى باضافه الطماطم المشورة والصلصه

ثم تضاف الماء والمرقه وتترك على نار هادئه الى ان تنضج

قومى باضافه الرز الى الشوربه التى تبقت من اللحم و ضيفى اليها بعض الماء اذا احتاج الرز ذلك

بحيث ان لكل كوب ارز بسمتى 2 كوب ماء وتضيفى الملح وتهدئى النار الى ان ينضج الرز

وتحمر اللحم وتقدم الكبسه