بنقدم لكم وجبة سريعة التحضير من وجبات موقعكم هو وهى وجبة صحية من الوجبات الخفيفة وايضا من الوجبات الاساسية فى عيد الاضحى كل سنة وانتم طيبين بالنسبة بردوا لذبائح الاضحية وخاصة ان كبد الذبائح بيكون لسه طازج وصحى جدا وطريقتها بسيطة وسهلة جدا , من اشهى الاكلات وتعتبر من الاكلات الشعبية المعروفة اللى بتتميز بطعمها الخاص ولها العديد من طرق الطهى هنقدم لكم واحدة منهم وان شاء الله بنتمنى تعجبكم .
المقادير :_
الكبد البقرى
1 ملعقة صغيرة زيت زيتون
3 ملاعق صغيرة زعتر
3 ملاعق صغيرة عصير ليمون
ملح وفلفل
الطريقة :_
بنقطع الكبد البقرى الى شرائح نسخن الزيت على النار وبعد ما نتاكد ان الزيت اصبح ساخن بنقوم بوضح قطع الكبد المقطعة الى شرائح حتى تحمر من الوجهين وبعد كده بنضيف لها الزعتر , وبعد ما نخرجها من الزيت بنضعها على ورق تتصفى من الزيت ومنحطش الملح او الفلفل على شرائح الكبد الا بعد ان نضعها فى طبق التقديم ونزينها باى انواع خضرة ويستحسن البقدونس لانه ليه نكهة خاصة .
