طريقة عمل البيتزا في البيت بأقل التكاليف

أكيد كلنا جربنا طرق كتير للبيتزا عشان تطلع زي بيتزا المحلات ومفيش ولا طريقة للبيتزاطريقة للبيتزا وصلتنا للنتيجة اللي كنا بنتمناها اللي هي زي المحلات.

 

جربنا طرق مكلفة جدا وبإضافات كتير بنشتريها مخصوص لتحضير البيتزا ومبنوصلش للطعم اللي بنتمناه

احنا وفرنا عليكوا اسئله كتير وفلوس اكتر وجبنالكوا أكتر وصفه بيتزا ناجحة وموفرة واقتصادية جدا.

 

البيتزا اللي معانا النهاردة مكوناتها موجودة في كل بيت يعني مش هنصرف فلوسنا ف تحضير العجينة ومكونات سهله أووووي.

 

هننزل بمكونات وطريقه البيتزا، والكميه دي هتكفي حوالي ٣ بيتزا كبااار

 

مكونات العجين :

٣ كوب  دقيق

٧ معالق زيت

رشه ملح

نص معلقه سكر

كيس خميره فوريه

ماء دافئ للعجن

 

مكونات الصلصه:

٢ فص ثوم

٢معلقه صلصه

رشه زعتر

ملح

فلفل اسود

 

الطريقة:

 

هنخلط كل المكونات الجافة ببعض وبعدين هننزل بالزيت ونخلطه كويس وبعدين نضيف الماء الدافئ بالتدريج حتى نحصل على عجين متماسك تماما.

 

هنعجن فيها لمدة ١٠ دقائق وبعدين نسيبها ترتاح وتخمر لمده نص ساعة ونقطعها كور ونسيبها تخمر تاني لمدة ربع ساعة وبعدين نفردها بحيث يكون سمكها ١ سم ونضعها ف صينية مدهونة بالزيت ونخرمها بالشوكة ونتركها حتى نحضر الصلصة.

 

طريقه تحضير الصلصة:

 

معلقتين كبار من الزيت نسخنهم ف طاسة وننزل بالثوم حتى تظهر رائحته وبعدين نضيف الصلصه ونقلبهم جيدا ثم نضيف الزعتر والملح والفلفل الأسود ونقلبهم ثم نضيف القليل من الصلصة للعجين في الصينيه ثم نضع نوع اللحوم اللذي نفضله (لحم- فراخ – تونه)، أو مزيج من أنواع الجبن المختلفة.

 

وف النهاية نضع الموتزاريلا وندخل البيتزا الفرن لمدة ١٥ دقيقة ونختبرها حتى تمام النضج، هنعرف إنها أصبحت جاهزة لما نلاقي لونها من تحت أصبح ذهبي.