0

طريقة عمل الباستا فلورا

بنقدم لكم طريقة عمل الباستا فلورا و هى نوع من انواع الاكلات الخفيفة زى البسكويت والبيتى فور ممكن تناولها فى الصباح مع كوب من الشاى او الحليب وهى لها مذاق خاص ومميز وبجد هى جميلة جدا هنقدم لكم مكوناتها وطريقتها و  تجربوها بنفسكم وان شاء الله هتعجبكم وهى طريقة سهلة وبسيطة ومنها بردوا تبقى تغيير فى وجبات الفطار المعتادة للاطفال , فالاطفال يحبون مثل هذه الانواع من الاكل والحلويات وهى تكفى لـ 8 افراد اليكم مقادير و الخطوات الواضحة لطريقة عمل الباستا فلورا

مكونات الباستا فلورا

المكونات :_ 2 كوب دقيق , 2 بيض
_ تلتين كوب سمن , تلتين كوب سكر
_ ملعقة فانيليا , وملعقة بودر
_   معالق او كاكثر مربى اى نوع زى ما تحبوا

طريقة عمل الباستا فلورا

الطريقة :_ بنضرب السمنة مع السكر فى بالمضرب جيدا وبعد كده بنضيف البيض والفانيليا اليهم .
_ نضيف الدقيق المضاف اليه البودر تدريجيا الى باقى المكونات مع الاستمرار فى ضربهم بالمضرب حتى تصبح عجينة لينة زى عجينة البسكويت .
_ ناخد جزء صغير من العجينة وليكون زى تلت العجينة والباقى نفرده فى صينية صغيرة

_نغطى وجه العجينة بالمربى نفردها عليها
_ناخد جزء العجينة الباقى ونعملها على هيئة مربعات فوق الصينية زى ما هنشوف فى الصورة
_ ندخل الصينية فى فرن متوسط الحرارة ونضعها على اعلى رف ونتركها لمدة تلت ساعة وبعدين نشوفها .
وتقطع بعد ذلك وتقدم مع الشاى وبالهنا والشفا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *