0
ايس كريم دايت

الرجيم مش حرمان.. طريقة عمل أيس كريم دايت

دائمًا ما يعاني أصحاب مرض السمنة من الحرمان، من العديد من الأطعمة التي يحبونها، ويتناولونها بشكل يومي قبل اتباعهم للرجيم لتخسيس وإنقاص وزنهم، وأكد عدد كبير من الأطباء المتخصصين في التغذية أن الأنظمة الغذائية ليست حرمان وأن الجسم بحاجة إلى سكريات وبعض النشويات ولكن بنسب معينة حتى لا تعود على الجسم بضرر.

 

من المعروف أن الأيس كريم عشق للجميع وكلنا بيكون نفسنا فيه دايما بس بنخاف من عدد السعررات الحرارية العالية الموجودة فيه، وبالتالي بنحاول نبعد عنه بكل الطرق، عشان منضعفش وناكل منه في الشارع وبالتالي يزيد وزننا.

 

النهاردة جبتلكوا طريقة أيس كريم طبيعي ١٠٠٪ يعني ملوش أي أضرار وكمان مفيهوش مواد حافظة اللي كلنا عارفين تأثيرها السلبي على صحتنا وكمان طعمه لذيذ جدا، وبيخطف أي حد وخصوصًا في فصل الصيف كلنا بنبقى محتاجين حاجة تريحنا من الحر ودرجة الحرارة العالية.

 

المكونات

 

– فاكهه الموسم (فراوله – موز – مانجو )

– لبن

– سكر دايت (اختياري)

 

الطريقه :

 

هنقطع الفاكهه ونضعها في الفريزر حتى نتأكد أنها اتجمدت بالكامل وبعدين نحطها في الخلاط وعليها كمية مناسبة من اللبن والسكر الاختياري ونقوم بضربهم في الخلاط حتى نتأكد من تجانس المكونات وبعدين نحط الخليط ف علبة نظيفة وجافة ونرجعه الفريزر لمدة ثلاث ساعات

 

– ملحوظ: ياريت نختار نوع سكر خالي من السبرتام عشان ميأثرش علي صحتنا تأثير سلبي وكمان بيغير طعم المشروبات والأكلات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *