fbpx التخطي إلى المحتوى

طبعا كلنا بنشوف الشاورما السوري، بننبهر بيها ولما بندوقها كمان الانبهار بيوصل لأعلى ليفل والطعم المظبوط بيخلينا نسأل نفسنا ياترى عملوها أزاااي؟؟؟ ونبحث عن طريقة عمل الشاورما.

الشاورما عموما كلنا بنحبها اذا كانت بالطريقة المصرية المضاف لها مزيج من الخضروات زي الطماطم والفلفل الألوان والسلطات زي الطحينة وبعض المحلات بتضيف السلطة الخضراء.

 

أو الشاورما السوري باللحم الصافي، اللي ناس كتير أوي بتحبها جدا ذو الطعم الرائع واللي النهاردة جبتلكوا طريقتها السهلة اللي هتعملوها في البيت وتبهروا ولادكم وأزواجكم بأقل وأرخص الإمكانيات تعالوا نعرفها …

مكونات الشاورما السوري

– نص كيلو لحمة مع وجود دهن (ضروري) مقطعة أصابع رفيعة

-٤ بصلات كبار متقطعين چوليان

-٥ فصوص ثوم مهروس كبار

-زيت دوار الشمس

طريقة الشاورما السوري :

هنتبل اللحمة قبلها بـ٥ ساعات بملح وفلفل أسود وتوم وبصل باودر وبابريكا وجنزبيل مطحون وقرفه وخل وليمون ونسيبها في الثلاجة.

شاورما سوري
طريقة الشاورما السوري

هنسخن طاسه ونضيف الزيت لغايه لما يسخن وبعدين هنضيف البصل ونقلبه لغاية لما يدبل ونضيف ليه التوم أول لما ريحته تطلع وبعدين نضيف اللحمة ونقلبها ولما تنزل ميتها نوطي النار ونغطيها ونقلبها كل شوية لغاية ماتستوي وهتدوقوا أحلى شاورما ف الدنيا أحلى من المحلات كمان جربوا من هتندموا.

😋🤚

استنوا وصفه التومية السوري الأصلية وكمان العيش السوري وسر المحلات 👌

التعليقات

اترك تعليقاً

لن يتم نشر عنوان بريدك الإلكتروني.

error: Content is protected !!