0

صاحبك اللي ساحبك … أجمل كلام عن الصحبة الصالحة والأصدقاء السوء

صاحبك اللي ساحبك??
نااس كتيير اتكلمت فموضوع الصحبه الصالحه والرفيق السوء والجو ده…بس المره ديه هتكون وقفه مختلفه مع النفس وتاخد قرار فعلا بالتغيييير
اولا كلنا عندنا اصحاب منهم أصحاب فعلا بتشدك للخير واصحاب بتشدك للمعاصي وناس حياديه معاهم معاهم عليهم عليهم خلينا أتكلم معاكم باللي بيشدوك للمعاصي(الصحبه السوء) دول صفاتهم ايه واعرفهم ازاي?
هتلاقيهم أول ما تبدأ بتغييير نفسك وتقرب لربنا يبدأ بقي بالشيخ راح والشيخه جت ولو بدأت هي تغير من لبسها وتبطل كلام مع الشباب تسمع تريقه للصبح وهو بقي يواظب ع الصلاه فمواعيدها فالمسجد وقبل الاذان ردهم بقي ايه ده النهارده الجمعه ولا كمااان بيحاول يمنعك مش بس تريقه والسلام ده عايزك زيه عشان ميحسش ان انت أحسن منه ولﻷسف كتييير مننا بيتأثر بالكلام خصوصا انه لسه فالبدايه فيبدأ يرجع للاول تاني واكتر كمان?
كانت في قصه كده أيام السلف كان في واحد اسمه عقبه بن ابي معيط رجل ثري وكان بيعزم الاشراف وكبار البلد وسيدنا محمد صلي الله عليه وسلم وأصحابه جه فمره عزم النبي عليه افضل الصلاة والسلام وأصحابه فالنبي لبي عزومته طمعا في ان عقبه يأسلم ويشهد الشهادتين والنبي مرضيش يدخل الا لما الرجل (عقبه) يأسلم فاسلم الرجل فكان لعقبه صديق اسمه ابي بن خلف لم يحضر الوليمه لسفره فلما رجع من سفره عرف ان عقبه أسلم فذهب لعقبه وقال له بلغني إنك اسلمت فقال له لا ولكن دخل علي رجل عظيم فابي ان يدخل الا ان اشهد له بالرساله فشهدت له بذلك فقال له ابي وجهي من وجهك حرام ولا اكلمك ابد الدهر حتي تأتي محمدا وترد دعوته وتطأ عنقه أوتبصق في وجهه ففعل عقبه اللي طلبه منه صديقه ابي بن خلف  وجاب الجزور (امعاء جمل ميت ) ووضعها ع ظهر النبي وهو يصلي ومات كافرا فيوم بدر
ونزلت آيات من القرآن ف الموقف ده?
وَيَوْمَ يَعَضُّ الظَّالِمُ عَلَىٰ يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا (27) يَا وَيْلَتَىٰ لَيْتَنِي لَمْ أَتَّخِذْ فُلَانًا خَلِيلًا (28)لَّقَدْ أَضَلَّنِي عَنِ الذِّكْرِ بَعْدَ إِذْ جَاءَنِي ۗ وَكَانَ الشَّيْطَانُ لِلْإِنسَانِ خَذُولًا
انتم متخلين انه واحد النبي كان قاعد في بيته وكان قدامه فرصة الاسلام وانه يكون من أصحاب النبي ولكن اتبع صديقه فكان آخرتها موته كافر والنار  والندم في الاخره إنه ياريته ما كان استمع لكلام صاحبه? ليه…؟ لانه ضل عن ذكر الله وإيمانه به بعد ما جائه من رسول الله?
ده النبي اللي هو سيد المرسلين وأكمل الناس وربنا غفرله ما تقدم من ذنبه وما تأخر ربنا بيقوله في القرآن
وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا (28)
يعني يا محمد ديما خليك قاعد مع صحبه بتذكر الله في الصباح وفالمساء لانهم كل حلمهم وجه الله مش بس كده كمان? ولا تعد عيناك عنهم يعني اوعي تبعد او عينك تغفل عنهم ولاتطع من اغفلنا قلبه عن ذكرنا عن ذكر ربنا وبدأ يتبع نفسه وهواه وشيطانه وامره كله تفريط في حق الله
وكمان النبي بيوضحلك الفرق بين الجليس الصالح والجليس السؤء بمثال بسيط فحديث (( إِنَّمَا مَثَلُ الجليس الصالحُ والجليسُ السوءِ كحامِلِ المسك، ونافخِ الكِيْرِ فحاملُ المسك: إِما أن يُحْذِيَكَ، وإِما أن تبتاع منه، وإِمَّا أن تجِدَ منه ريحا طيِّبة، ونافخُ الكير: إِما أن يَحرقَ ثِيَابَكَ، وإِما أن تجد منه ريحا خبيثَة ))
يعني ايه الصاحب الصالح زي حامل المسك ياما هيديك من المسك بتااعه أو انت هتشتري منه أو هتصيبك رائحه طيبه من المسك بتاعه وانت قاعد جنبه يعني انت كده كده مستفيد?
اما الصاحب السؤء زي نافخ الكير (  الحداد الذي يصهر الحديد وينفخه فيتطاير الشرر) إما الشرر ده هيحرق ثيابك او تبعث فيك رائحه خبيثه يعني غير مستفاد بالمره من قعدتك معاه
طب اقولكم ع حاجه تفرح بجد يمكن تكونوا عارفينها وممكن لا تعالوا شوفوا الحديث ده معايا كدهصَلَ

 عن أبي هريرة رضي الله عنه عن رسول الله صَلَّى اللَّهُ عَلَيْهِ وَسَلَّمَ قال : ( إِنَّ لِلَّهِ تَبَارَكَ وَتَعَالَى مَلَائِكَةً سَيَّارَةً فُضُلًا ، يَتَتَبَّعُونَ مَجَالِسَ الذِّكْرِ ، فَإِذَا وَجَدُوا مَجْلِسًا فِيهِ ذِكْرٌ قَعَدُوا مَعَهُمْ ، وَحَفَّ بَعْضُهُمْ بَعْضًا بِأَجْنِحَتِهِمْ ، حَتَّى يَمْلَئُوا مَا بَيْنَهُمْ وَبَيْنَ السَّمَاءِ الدُّنْيَا ، فَإِذَا تَفَرَّقُوا عَرَجُوا وَصَعِدُوا إِلَى السَّمَاءِ ، قَالَ : فَيَسْأَلُهُمْ اللَّهُ عَزَّ وَجَلَّ ـ وَهُوَ أَعْلَمُ بِهِمْ ، مِنْ أَيْنَ جِئْتُمْ؟ فَيَقُولُونَ : جِئْنَا مِنْ عِنْدِ عِبَادٍ لَكَ فِي الْأَرْضِ ، يُسَبِّحُونَكَ ، وَيُكَبِّرُونَكَ ، وَيُهَلِّلُونَكَ ، وَيَحْمَدُونَكَ ، وَيَسْأَلُونَكَ ، قَالَ : وَمَاذَا يَسْأَلُونِي ؟ قَالُوا : يَسْأَلُونَكَ جَنَّتَكَ ، قَالَ : وَهَلْ رَأَوْا جَنَّتِي؟ قَالُوا : لَا ، أَيْ رَبِّ ، قَالَ : فَكَيْفَ لَوْ رَأَوْا جَنَّتِي ؟ ، قَالُوا : وَيَسْتَجِيرُونَكَ . قَالَ : وَمِمَّ يَسْتَجِيرُونَنِي ؟ قَالُوا : مِنْ نَارِكَ يَا رَبِّ . قَالَ : وَهَلْ رَأَوْا نَارِي؟ قَالُوا : لَا ، قَالَ : فَكَيْفَ لَوْ رَأَوْا نَارِي؟ قَالُوا : وَيَسْتَغْفِرُونَكَ ، قَالَ : فَيَقُولُ : قَدْ غَفَرْتُ لَهُمْ فَأَعْطَيْتُهُمْ مَا سَأَلُوا ، وَأَجَرْتُهُمْ مِمَّا اسْتَجَارُوا . قَالَ : فَيَقُولُونَ : رَبِّ فِيهِمْ فُلَانٌ عَبْدٌ خَطَّاءٌ إِنَّمَا مَرَّ فَجَلَسَ مَعَهُمْ . فَيَقُولُ : وَلَهُ غَفَرْتُ ، هُمْ الْقَوْمُ لَا يَشْقَى بِهِمْ جَلِيسُهُمْ ) .
يعني ايه الحديث والكلام ده ?
بالمختصر كده ان لما يكون في قعده اصحاب فمسجد او فبيت حد منهم وقاعدين يذكروا الله ونعمه وفضله تفسير احاديث وهكذا بتحفهم الملائكه باجنحتهم حتي يمليوا ما بينهم وبين سماء الدنيا وجه واحد مش منهم اصلا بس قعد معاهم مش بغرض الاستفاده لا جاي يسلم ع واحد صاحبه فيهم جاي فمصلحه ع السريع ? وخلصوا ومشيوا كلهم تصعد الملائكه الي السماء وتخبر الله بماكان عباده والاصحاب دووول بيعملوه ايه فربنا يغفرلهم ويعطيهم ما سألوا الله ويجيرهم من النار فالملائكه تقول لربنا بس في واحد فيهم مكنش قاعد معاهم بغرض الذكر ده كان معدي شافهم فقعد معاهم فربنا يقولهم هم القوم لايشقي بهم جليسهم يعني طالما قعد مع ناس بتذكرالله فحظه ونصيبه زيهم بالظبط من مغفره وعفو واستجابة دعوات….شايفين حجم الاستفاده ازاااي من الصحبه الصالحه ….انت كمان لو من الناس والعياذ بالله اللي اتكتبت عند الله من أهل النار بتيجي يوم القيامه الصحبه اللي عملت معاها خير اتجمعتوا ع ذكر يسألوا عنك الله إنهم مش لاقييين فالجنه فربنا يبلغهم إنك فالنار فيستغربوا ويقولوا لربنا انك كنت معاهم فالدنيا بتساعد فعمل الخير والاعمال الصالحه فربنا يأمرهم إنهم يخرجوك من النار ونلاقي القرآن وصفلنا المشهد ده بقول الله عزوجل ( الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ ) الاخلاء الاصحاب??
طب بعد ما عرفنا قد إيه عظمة الصحبه ونفعها ليك فالدنيا والاخره إيه الحل والاقيهم فين وابدأ ازاي
خطوات الحل?
1-صدق البحث بمعني إنك تكون صادق فعلا فنيتك انك عاوز صحبه تعينك عشان ربنا يكرمك بيهم وافتكر ديما إن تصدق الله يصدقك اثبت لربنا فعلا انك عايز دور واجتهد واتعب لحد ماتوصل دوور فشلتك اكيييد في حد قريب من ربنا الزم المسجد بالصلوات ديما واقعد كتيير هتلاقي اولياء الله والناس اللي بتحبه فعلا قرب منهم وقولهم عايز اقرب من ربنا وابقي معاكم دور ع النت روووح كذا مسجد صدقني هتلاقي?
2-التضحيه بمعني إن لازم تضحي شويه بقعدة أصحابك اللي جايبينك ورا انا مقولتش هتسيبهم لان في ناس كتييير بتقول دول اصحابي من زمااان وعشرة سنين ومقدرش ومينفعش هكرر واقول انا مقولتش تسيبهم انا قولت تضحي بقعدتك يعني تقلل ظهورك شووويه مينفعش تكون كنت لسه بتغتاب معاهم وبتعاكس وانتي كنتي لسه جايبه فسيرة فلانه وعلانه وعايزه تاني يوم قلبك يخشع وتواظبي ع الصلاه والفجر حاضر طب ازاي??
وافتكر ديما جملة انجو بنفسك لتنجو بالآخرين لازم تغيري من نفسك وتقرب من ربك عشان تقدر تشدهم لطريقك طريق ربنا
3-ثبت نفسك فبيئة ايمانيه حول الصحبه الصالحه مش بس كده حاول تكون انت الصاحب الصالح اللي شباب كتيير بتدور عليه كون الشخص اللي نفسك تقابله غير وابدع في طريقة حبك وقربك لربنا
وكلنا عارفين قصة الرجل اللي قتل مائة نفس ولما راح للعالم وسأله هل لي من توبه? العالم رد عليه وقاله وماالذي يحول بينك وبينها بس العالم اشترط عليه وقال إترك ارضك فإنها ارض سؤء واذهب الي أرض كذا فإن هناك أناس يعبدون الله فاعبد الله معهم
الشاهد هنا إيه أنه من أهم وأول أسباب التغييير انك تسيب الصحاب اللي انت معاهم وتقلل ظهورك معاهم وتلازم صحبة صالحه
#رزقكم_الله_وإيانا_بصحبه_صالحه
#جرب_تقرب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *