رسالة ربنا ليك النهارده إيه

كتب: آخر تحديث:

كنت بقرأ الورد اليومي بتاعي 😄 بس قلبي مكنش حاااضر مع الآيات اللي كنت بقرأها 😩 وتفكيري كان مشتت جداا بسبب موضوع الظلم والناس اللي بتتظلم كتييير وصحبتي في كرب شديد بسبب ظلم برضه😑😩😩😩 ومشاكل عندي شخصيا في بيتي فيها ظلم وعماله أقول طب إمتي الفرج وليه ربنا شايف الظلم ده كله ولسه مأذنش بالفرج متنسوووش كل ده👆👆👆👆 وأنا بقرأ الورد بتاعي😩 وسبحان الله كدت أن أبكي لما بدأت أركز في المصحف والاقي ربنا بيرد عليا علطووول بمجرد ما خلصت تفكير ااااه زي ما بقولكم لقيت الرد علطوووول وكان الرد👇👇👇👇👇👇👇👇 ( وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42 ) مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ ۖ وَأَفْئِدَتُهُمْ هَوَاءٌ (43) سورة إبراهيم الشاهد هنا إيه👉👈أولا إنه ربنا بيبعتلك رسائل يوووميه أوعي تكون غافل عنهاا الرسائل بتكوون ع هيئة آيه في القرآن بوست ع الفيس موقف حصل معاك أو حصل لحد قريب منك😄 فخلي بالك….أوعي تطنش عشان فالآخر متزعلش لما تلاقي قلبك تراكم عليه الصدأ ومش قادر يحس بالله وبأيآته ورسائل ربنا😄
وفي كل واحد فينا اعظم رسالة
وهي نفسك..شوف ربنا خلقك ازاي…نعمة ايديك رجليك النفس اللي بيطلع منك عمليات الهضم والتنفس والاخراج
اللي كلها بتم بدقه معينه وبإجهزه عظيمه العلم مقدرش يوصلها ….صنع الله الذي اتقن كل شئ
مفييييش حد فينا ع وجه الكون كله ربنا مبعتلوووش رساله بل ورسائل …ع فكره موت صاحبك مكنش صدفه…الهم اللي مرت بيه مكنش صدفه نجاحك وحب الناس مش صدفه ….مجموعك العالي ودخلت كليه بتحبها مش بس من مجهودك من فضل ربنا عليك أولا وبرضه مش صدفه….الكليه اللي مكنتش حاببها ودلوقتي اتعرف فيها ع أجدع صحااااب برضه مش صدفه…وهكذا وبتختلف الرسائل ع حسب ظروفك وع قدرة فهمك وتقديرك للموقف اللي إنت فيه في رساله ربنا يقصد بيها يطمنك وإنت ف عز الهم لما تلاقي 👈 فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا…في رساله ربنا يريد بيها إنك تتوب وترجعله قبل ما قلبك يقسي ويصدي من كثرة الذنوب👈  ۞ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فَاسِقُونَ
تبقي مهموم وقلبك مقبوض وتلاقي👈  الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ
بتكون لسه عامل مشكله مع والداك أوشدتي مع والداتك بخصوص خروجه مع أصحابك وتلاقي👈  فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا
وكتيييير رسائل فالقرآن بنغفل عنها فسبحان الله ربنا من حبه لينا ورحمته علينا نلاقي إن لو شخص مثلا مبيفتحش المصحف كتير مثلا فمش بيشوف الرسائل ديه نلاقي ربنا بعتهاله ع هيئة صوت فراديو أو وهو راجع من شغله أو ع هيئة بوست ع الفيس أو واحد يقولها في وشه أو مكتوبه ع الحيط فالشارع لو كان غافل عن ده كله ربنا مش بيسيبه برضه بيحصله ابتلاء …وفاة شخص معين وهكذا….عشان يقولك انا جنبك ومعاك وديه رسالتي ليك
ربنا باقي عليك للآخر ولغاية آخر لحظه فحياتك
وللأسف إحنا مش باااقيين ع علاقتنا بربنا


ثانيا نتفق إن يكون ليك ورد يومي عشان متقطعش علاقتك بربنا وتحس بقربه ليكي وبرسائله اللي بيبعتهالك
أو اختار كل يوم سورة وإقراها وركز مع الآيات وشوف ربنا بيقولك إيه😍
أنا بتحصل معايا شخصيا إنه لو حتي اتخبطت أو اتعورت بحس انها رساله من ربنا إني مقريتش أذكار الصباح أو المساء
كنت فالكليه وحصلت معايا مشاكل في مادة كده مكنتش بحبها ومكنش قدامي غير طريق واحد وانا رفضه لانه هيكون بالكذب ورفضت وحاولت امشي في أي حل تاني والحمدلله ربنا وقف جنبي وعدت وجت في بالي آيه بعد ما طلعت من مكتب الدكتور حستها رساله من ربنا👇
(وَمَن يَتَّقِ اللَّهَ يَجْعَل لَّهُ مَخْرَجًا)وقد إيه ربنا ييسرلي أموري وجعل ليا مخرج من المشكله ديه لاني اتقيت الله ومرضتش امشي فحاجه مترضيش ربنا
ثالثا في فكره حلوووه ممكن تطبقوها كل يوم تقرأ فيه آيه وتحسها رساله من ربنا اكتبها فورقه صغيره وحطها في أي علبه لغاية ما تجمع رسائل كتييير وكل يوم تسحب ورقه وتشوف إيه رسالتك النهارده
رابعا متشغلش بالك بأي حاجه وأنت رايح تقابل ربنا (الصلاه) أو وأنت رايح لربنا عشان يكلمك( القرآن) واتوكل عليه وإعرف إن أي حاجه مهما كانت منكده عليك حياتك هي لاتسوي شئ بالنسبة لربنا فركز في علاقتك مع ربنا☝ وادعي كتيييير وهتفرج بإذن الكريم😃 #وعجلت_إليك_ربي_لترضي☺ #أنا_معكما_أسمع_وأري😃 #فرجه_قريب😄  #افرحوا_بالله_بقي😀

التعليقات

  1. بارك الله فيكِ ونفع بك ي حبيبتي 😍❤
    اسلوبك يشجع اي حد انه يقرا ويحب القراية 💚 استمري
    جزاك الله الجنة ❤ وجزاهم خيرا من ساهم ف انشار هذه الكلمات الراقية الجميلة 🌸 جزيتم وبوركتم 💚

  2. ماشاء الله جميل جدا يارب كلنا نقدر نقرا رسايل ربنا لينا اللى بيوجهلنا فى كل حاجه بتحصل حوالينا تسلم ايدك ياساره ربنا يباركلك

  3. ‘ا شاء الله اللهم بارك اسلوبك جميل في السرد 💗 وقريب جدا من القلب استمري يا ساره جزاكي الله خيرا 😍💗

  4. ما شاء الله لا قوة الا بالله اللهم بارك ربنا يزيدك ي طيبه بجد كلام جميل جدااا ربنا يفرح قلبك و يبارك فيكي 💙🌸

أضف تعليقاً

لن يتم نشر عنوان بريدك الإلكتروني.