بمناسبة عيد الأضحى أسياخ اللحم المشوى بطريقة الدايت

خلاص بقى عيد الأضحى دخل علينا وكل سنة وكل الأمة الأسلامية طيبن والناس اللى بتعمل دايت خايفة على نفسها وعلى وزنها ليزيد وطبعا سنة عن الرسول علية الصلاة والسلام أننا لازم نأكل لحمة فى العيد حتى اللى مش بيحب اللحمة وفى اطفال كتير مش بتحب اللحمة لكن كل الناس بتحب المشويات سواء كانت أطفال أو كبار لان أكلها خفيف وكمان علشان الدايت وانهاردة نقدم لكم طريقة عمل بمناسبة عيد الأضحى أسياخ اللحم المشوى وبطريقة الدايت علشان كله ياكل ويتهنى وانتوا شايفين من الصورة أن الأكلة شكلها يفتح النفس واليكم الخطوات والمقادير وبالهنا ولشفا للجميع .

المقادير:

500 جرام من قطعه لحم شرائح رفيعه وتفضل بتلو او ستيك
1 بصلة
1 عصير ليمونة
بهار لحم
ثوم وبصل بودرة
خل
روزمارى بودر
2م ك زيت نباتى
1 م ص مستردة

للخضار السوتية:

فاصوليا خضراء مغسولة جيدا
ذرة صفراء
جزر
كوسة

الطريقة:

تتبل شرائح اللحم جيدا فى التتبيلة بعد غسلها جيدا وتترك لمدة ساعتين على الاقل
ثم توضع فى عصا الخشب بطريقة منظمة وتشوح فى طاسة الشوى او على الفحم ان وجد على نار متوسطة الى حين السوا .. تغطى فى قالب مغلق او فى فويل حتى تصبح ساخنة الى حين التقديم.

فى اثناء ذلك نشكل الخضراوات حسب الرغبة انا فضلت اعملها وردات عشان تفتح النفس للاكل خصوصا فالرجيم للتشجيع وتقبل الخضار بشكل افضل ..
يوضع الخضار على حمام بخار لمدة 5 دقايق وفور ازالتة من البخار يوضع فى ماء بارد مع قطع ثلج ان امكن .. ومن ثم يتبل بقليل من الملح والفلفل والليمون .. حسب رغبتك فى اضافة اى لتعزيز نكهه السوتية
يقدم الطبق ساخن مع طبق سلطة كبير ودة يعتبر غداء صحى وللرجيم كمان بالهنا والشفا واتمنى ينال اعجابكم.