الحسد وأنواعه … أعراض الحسد في الإسلام وكيفية التخلص منه …العين?_حق

 

عن صاحبة عمرى الكيوت اللى الايام غيرتها وقلبت على حورية بنت عوضالله المسحراتى

ياريتنى ما تمنيت نتقابل ونعيد الذكريات والهيئ والميئ
بعد بعاد 4سنين قررت تيجى تزورنى ومن اول طلة اكتشفت انها قلبت على حورية بنت عوض الله المسحراتى
انبهرت باضاءة جرس البيت وصوت الصوصو صو ومن بعدها الجرس ماحطش منطق

قلت لنفسى ماتركزيييييييش علشان ماتهيسش كل حاجة ليها عمر افتراضى
وحكينا ورغينا واد ايه كانت وحشانى ولاقيتها بتقولى ماتجيبى الحزام اللى انتى لبساه ده لفة  ماترددتش لثانية ولسة بقوم علشان اديهولها لاقيته ف ايدى كدة
قلتلها ياريتك ما وحشتينى يا حورية
ههههههههههه شكلى حسدك
لا ياقلبى ده عمر افتراضى
ومن بعدها ده صنية الكاسات وختامه مسك بوقعة ابنى من ع السلم ومن بعدها فضل نايم من 7المغرب لحد تانى يوم
استأذنت ومشيت وقال وعدتنى تعيد الزيارة وانا وعدتها انى هسيح لها باللى فيه النصيب

مش بقول عينها وحشة وحسودة او بتتمنى زوال نعمتى بس احيانا العين بتحسد غصب عنها عن طريق لحظة تمنى ان يكون الشئ ده عندى زيه ومش انى اتمنى زواله من عند غيرى وده مش بقول عليه حسد
فالحسد…….
اسوء صفة نلاقيها ف حد علشان صفة قاتلة بتغير ملامحنا لشياطين باجساد بشرية الحاسد مش اللى بيطمع انه يساويك ف ان يرقى اليك لأ ده بيتمنى انك تنزل اليه

وزى ماقال معاوية بن أبى سفيان (سهل ان احنا نرضى الناس كلها الا حاسد نعمة بيتمنى زوالها )

اعراض الحسد……
صداع غير عادى / تنميل /تفكير باستمرار /صعوبة ف الحصول على الافكار/ التحدث للنفس بالضجك او البكاء بدون اسباب  موااااااا
الشعور بصراع دائم ف الحياة الاسرية العملية….
السلبية عدم الثقة بالنفس الارق قلة النوم

اعراض الحسد على المتزوجين…
يبقوا بيحبوا اووووى وف نفس الوقت مش طايقين بعض وواقفين لبعض ع الكلمة
بالاضافة لمشاكل ف العلاقة الحميمة دون اسباب مرضية وايضا الاجهاض عند الزوجة دون اسباب واضطرابات ف الدورة الشهرية بانقطاعها لفترة اومصحوبة بالم شديد اثناء تواجدها

اعراض الحسد عند الاطفال
بيبقوا مهيبريييين بزيادة
بالاضافة للعصبية ضعف الشهية وعدم القدرة على التركيز وبالاخص ف الدراسة

كلنا هنقول عندنا كل الاعراض دى طب نجرب نعالج نفسنا بنفسنا ونشوف علاجنا بالقرآن…..

احصن نفسى ازاى علشان لااكون حاسد ولا محسود!!

ذكر الله بالدعاء بالحفظ من الحسد والحاسدين والرقية الشرعية والاستغفار وقراءة المعوذتين وسورة الاخلاص بقلب ونية صادقة ثلاث مرات صباحآ ومساءآ والمداااااااااومة على اذكارالصباح والمساء

الثقة الكاملة ف الله بانه هيراضينا باللى بنتمناه ومن يتوكل على الله فهو حسبه

نقاء القلب من اى غل وحقد وشماته

الكتمان على امورنا ف الحياة واستعينوا على قضاء حوائجكم بالكتمان

افتكر ……..
نعم الله عليك علشان تحس بالفضل والقناعة ولما تشوف اللى يعجبك عند غيرك

ارقوا……
اولادكم باستمرار اقروا قدامهم الاذكار ويقولوا وراكم هيحفظوها مع الوقت لو سن صغير اقرئو الرقية ع مية الشرب والاكل والاستحمام بيها خااااااارج الحمام
رشوا من المية المقروء عليها ف اركان البيت عدا الحمام طبعا

لما تعجبك حاجة عند حد قول ….
الله اكبر 3مرات / صل ع الحبيب المصطفى/ قل ماشاء الله تبارك الله ولاحول ولاقوة الا بالله

وخالينا فاكرين ….
ان ارادة ربنا بانه حرمنا من شئ بنتمناه بانه لو خير لا نولنا اياه…..