0
طريقة عمل الفطير المشلتت

طريقة عمل الفطير المشلتت في 10 خطوات بالصور الفطيرة البلدي

الفطير المشلتت من الأكلات المصرية المحببة لدي كثير من الناس اليوم هنقدم لكل أمرأة طريقة عمل الفطير المشلتت بالسمن البلدي فى المنزل ، بناء على طلبات أعصفاء صفحة موقع هو وهي على الفيس بوك لطريقة عمل الفطير الصعيدى أو الفطير المشلتت البلدي.

فطيرة مشلتته
فطيرة مشلتته

المقادير

4أكواب دقيق-معلقة ملح صغيرة-كوبيتين ماء-وزيت وزبدة

فطير مشلتت يباع في فرن الخبز
فطير مشلتت يباع في فرن الخبز

الطريقة

1-نخلط الدقيق مع الملح والماء ونعجنهم جيدا

2-نقسم العجينة ونقوم بالضغط عليها لإخراج الهواء وبعد كدة نقوم بتكويرها

3-ندهن هذه الكرات بالزبدة ونتركها قليلا ثم ندهنا بالزيت

4-نفرد العجينة بالنشابة حتى تصبح رقيقة

5-نضعها فى صنينية كبيرة مدهونه بالزيت ويتم إدخالها الفرن لمدة 15دقيقة

وبألف هنا وشفا

طريفة آخرى لعمل الفطير المشلتت

فطير مشلتت مع العسل والجبنة البيضاء
فطير مشلتت مع العسل والجبنة البيضاء

المقادير

  1. كيلو دقيق
  2. شويه ملح
  3. ماء للعجن
  4. سمن
  5. زيت

طريقة عمل الفطير المشلتت البلدي في 10 خطوات

طريقة عمل الفطير المشلتت
طريقة عمل الفطير المشلتت

  1.  نضع الدقيق فى إناء غويط لكن يفضل يكون نوع الدقيق ممتاز ويكون الدقيق الخاص للفطير يعنى دقيق بيعمل عرق بالصعيدى نحط عليه شويه ملح صفيرين فقط علشان الطعم.
  2.  بعد كدا نبتدى نضع بالماء واحده واحده ونعجن حتى تكون العجينة معاكي طريه وما بتلزقش نتركها ترتاح فى طبق مرشوش بالدقيق حوالى ساعة.
    طريقة عمل الفطير البلدي مع عسل أسود
    طريقة عمل الفطير البلدي مع عسل أسود
  3. ثم نبدأ نقطعها كور حسب حجم الفطيره المطلوبه يعنى لو فطيره صغيره تبقى كوره متوسطه ولو اكبر يبقى عجين اكتر وهكذا، ثم نرش على الرخامه دقيق ونفرد الاول بالنشابه لحد ما تبقى دايره رفيعه.
  4. نبتدى الفرد بالايد وتشد من كل جانب بالراحة ومن النص نمط فى العجينه حتى تصبح شفافه. نكون مجهزين فى طاسه السمنه والزيت على بعض وتكون السمنه سايحه.
    فطير بلدي مغ الجبنة القديمة والسلطة
  5. نبدأ نرش على الدائرة اللى عندى يعنى على وش العجينه وهى مفروده وتوزع عليها السمنه مع الزيت، ثم نطبقها بالنصف ونرش تانى على الوجه اللى قدامى ونطبق تانى ونرش بردو ونوزع بأيدينا على العجينه.
  6. ثم نطبق تانى يعن من كل جنب نطبق بالنصف لحد اما تبقى مستطيله ومع كل تطبيق نحط السمنه وبعد كدا نلف المستطيل ده رول بعد ما ندهنه وندخل الطرف الأول فى الطرف الاخيرونخليها قدامي كدا زى الكوره.
  7.  نقوم بعمل كل العجين عندى بنفس الطريقه ونتركه يستريح تانى حوالى ربع ساعه.
  8.  نسخن الفرن على أقل درجه حراره عندى لكي يستوى الفطير المشلتت كويس من جوه.
  9.  نقوم بدهن الصينيه بالسمنه والزيت ونضع الفطيره على الرخامه ونبتدى نفرد ببطن الايد واحده واحده من كل جنب لحد اما تعمل دايره الفطيره وما نخلهاش رفيعه ونحطها فى الصينيه المدهونه.
  10. نضعها الفرن على الصاج من تحت وتتابعي لحد اما تاخد لون ذهبى من الوجه اللى تحت نقوم قلبنها على الوجه التانى تاخد نفس اللون وبعد كدا نطلعها وهكذا كل الفطير اللى مجهزاه وكل اما احط واحده أحطلها سمنه فى الصينيه علشان تستوى وتاخد لون وبالف هنا وشفا.
    عسل أبيض يقدم مع الفطير  الصعيدي المشلتت
    عسل أبيض يقدم مع الفطير الصعيدي المشلتت
    فطير ورقات مشلتت

نقوم بتقديم الفطير المشلتت كما هو موضع بالصور مع الجبنة القديمة ويمكن معرفة طريقة عمل الفطير المشلتت بالضغط هنا بطريقة آخرى بدون صور، الفطير المشلتت في الصعيد وبعض الأسر في مصر تقوم بعمل فطير للعروسة في اليوم الثالث ولدينا بعض السيدات تقوم بعمل طلبات للفطير ويمكنكم التواصل على صفحتنا على الفيس بوك لطلب فطائر للعروسة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *