طريقة عمل الفاهيتا فراخ
يقدم لكم موقعكم هو وهي اكلة سريعة و سهلة و ممكن ان تجهزها الام لابنائها بدلا من السندوتشات التى يتناولونها بالخارج ومن الممكن ايضا ان تقدم مع اصناف اخرى من الطعام مثل البطاطس المحمرة و سلطة الطحينة او المكرونة وهذه الوجبة تحتوى على العناصر الغذائية كاملة من بروتين ونشويات وسكريات ودهون فهى مكونة من البروتين المتمثل فى الفراخ و النشويات المتمثلة فى البطاطس او المكرونة و العيش السورى و السكريات متمثلة فى الكاتشب وسوف نقدم لكم الفاهيتا بطريقة سهلة وبسيطة .
مكونات الفاهيتا فراخ
نص كيلو صدور فراخ مقطعة بالطول
فلفل جميع الالوان احمر واخضر واصفر مقطع بالطول ايضا
بصلة كبيرة مقطعة بالطول
شرائح من الجبنة الرومى او الجبنة الشيدر
كاتشب , 2 طماطم
ملح
فصين ثوم
فلفل اسود
بهارات
زيت زيتـون
عيش سورى
طريقة عمل الفاهيتا فراخ
نشوح البصلة والثوم فى معلقتين زيت حتى تدبل البصلة ونضيف اليها الفلفل ونقلبهم لمدة خمس دقائق ونضيف اليهم الطماطم المقطعة مكعبات صغيرة ونضيف اليهم الفراخ والملح والفلفل والبهارات ونقلبهم و نضيف اليها 3 ملاعق كاتشب ونغطيهم حتى تستوى الفراخ وبعدين نقوم بوضعها داخل العيش السورى ونضع عليها الكاتشب والمايونيز والجبنة الشيدر ونلف العيش مع تدفئته قليلا على نار هادئة جدا وبالهنا والشفا .
