طريقة عمل البط بالفريك
يقدم لكم موقعكم هو وهى طريقة سهلة وبسيطة لعمل البط بالفريك ,وهذا الطبق هو من اشهى الاكلات و مميز جدا فى العزومات و الكثير من الناس يحبونه ذلك الطبق و سوف نقدم لكم خطوات تحضير هذا الطبق خطوة بخطوة اولا نقوم بتنظيف البط جيدا قبلها بيوم وندبلها ببصلة متوسطة نقطعها ونضيف عليها ملح وكمون وفلفل وجميع انواع البهارات وجزر وبشر قشر برتقال , وبعد ذلك ناتى بشوكة ونحطها فى اماكن مختلفة من البط وبعد كده نضع التدبيلة اللى عملناها من داخل البط ومن الخارج , وبعد ةكده هتبقى جاهزة لتانى يوم عشان نحشيها بالفريك اليكم الخطوات ,
خطوات الحشو حتى النضج
بنقوم بتقطيع بصلة صغيرة ونحمرها فى معلقة زيت مع فصين ثوم وملح وكمون وفلفل وبعد كده بنغسل الفريك كويس ونحطه يتحمر كويس مع البصلة ونضع عليه نصف كوب من صلصة الطماطم
ونصف كوب من الماء ونتركه حتى يتشرب الماء مش شرط يستوى اوى لانه سوف تكمل التسوية بعد ان نضعه بداخل البط ونغلق البط كويس وبعد كده سنضع البطة باناء به ماء مغلى ولازم الاناء يحتوى حجم البطة و ونضع عليها بعد كده حبهان ومستكة وورق لورى فى الماء ونتركها حتى تستوى كويس , بعد كده بنحطها فى قالب كبير وندهنها بالزيت والملح والكمون وعصير الليمون والبرتقال وبسر البرتقال ومعلقة صلصة وندهن بيها البطة من جميع جوانبها حتى تحمر بعد ذلك وندخلها الفرن ونتركها حتى تحمر جيدا وتاخد اللون الاحمر ونقدمها بعد تزينها فى طبق التقديم وبالهنا والشفا .
